Siyerê Nebi ê Mela Orhan Sekaronıji

Yo zıwano ki zê zıwananê dormaleyê xu seserran heta hezar serran ra nat nê, teyna seserra peyın dı eseri nusiyayi, o zıwan dı her kelimeya ki kağıdi ser ca gena qey ê zıwani wayirê qıymetêkê pil a. Hem wextêko zaf erê dı nusiyayişê Zazaki hem zi bınê tehlike dı biyayişê cı qıymetê eseranê Zazaki hina zaf zêdneno. Her esero ki Zazaki nusiyeno, qey Zazaki beno yo hivi u roşnayi.

Ina xebat dı eserê Siyerê Nebi ê Mela Orhan Sekaronıji yo ki wextêko zaf nızd dı nusiyayo serra 2023 dı neşır biyo kritik biyo. Ino eser, Zazaki dı 2 eseranê siyeri ra yo yo. Esero ki menzum nusiyayo u 20 qısım ra yeno meydan qısım qısım tehlil biyo. Tehlil dı, her qısım dı, mewzuyi ki goreyê şairi hina muhimi u şiir dı hina zaf ca gureto ya zi mewzuyi ki heyatê Pêxemberê ma Hz. Muhammedi dı hina zaf muhimi, ê beyiti ki inan ra behs keni qey numune ê beyiti neqıl biyi.

Kelimeyi Muhimi: Siyer, Siyerê Nebi, Mela Orhan Sekaronıj, Zazaki